Það gæti aldrei gerst á Íslandi ...

... að lög yrðu sett sem refsuðu óprúttnum stjórnmálamönnum fyrir sína háttsemi.

Ég man þegar einn slíkur, Árni Johnsen, greiddi atkvæði á Alþingi fyrir "vin sinn".  Mig minnir að þessi vinur hafi verið Matthías Bjarnason.  Ekki þótti þá ástæða til að að refsa Árna þótt málið hafi vissulega valdið nokkrum umræðum.

Nei, Íslendingar eru fremur lausir við refsigleði, sérstaklega þegar kemur að stjórnmálamönnum því það eru jú þeir, þrátt fyrir allt, sem semja lögin.

Það er engin þjóð svo heilög að mönnum geti ekki orðið á í messunni en þegar menn læra heldur ekki á mistökunum, þá er eitthvað mikið að.  Ætli við Íslendingar gætum kannski lært sitthvað af nágrönnum vorum, Grænlendingum?

Greiddu atkvæði fyrir aðra

Athugasemdir

[Haukur A. Clausen (IP-tala skráð) 18.12.2008 kl. 18:02]

Nei!  Þetta er rangt hjá þér!  Staðreyndin er sú að þetta var alveg öfugt, Matthías greiddi atkvæði fyrir vin sinn og samherja Árna Johnsen að honum fjarstöddum.  En hausinn á þér er auðvitað forskrúfaður gagnvart Árna, eins og svo margra annarra.  Haukur C.

[Pax pacis, 18.12.2008 kl. 20:37]

 Takk fyrir athugasemdina, Haukur

 Var það öfugt??  Já, sennilega trúir maður öllu upp á Árna og ég bið hann hér með forláts (ég gef mér að þetta sé rétt hjá þér þar sem ég nenni ekki að sannreyna það ; annar hvor kaus alla vega fyrir hinn ). 

 En færslan snerist alls ekki um Árna.  Mér gæti ekki staðið meira á sama hvort það var Matthías eða Árni sem greiddi atkvæði eða hvort hann var Sjálfstæðismaður eða af öðrum flokki.  Aðalatriðið er að hér á landi virðist mörgum stjórnmálamönnum fyrirmunað að skilja leikreglur og siðfræði lýðræðisins.